samr
08-12-21, 01:15 AM
البارحه ياصاحبي والليل والجـرح الجديـد
والعبره اللي ماقويت اكتـم صـدى موالهـا
والضيقه اللي تنتقل مابين قلبـي والوريـد
والمزنه اللي فوق خـدي ماوقـف همالهـا
لو ان دمعي غالي ولو ان قلبي مـن حديـد
فالبارحه عزمي ضعف من طولها واهوالهـا
والجادل اللي من حلاها صارت الساده عبيـد
اللي يشيّب راس طـرّاد الهـوى ماطالهـا
بنت الشيوخ اهل الكرم والجود والمجد التليد
وام الدلع وام الـدلال اللـي خذتـه لحالهـا
اللي غلاها حطم ضلوعي وانا صبري شديد
واستاسرت روحي وروحي ماحدٍ قد نالهـا
حسبي عليها كل ماخط القلم حرف القصيـد
يكتب معاناة الخفوق اللـي نسـاه وصالهـا
وحسبي عليها كل ماغنّوا مواويـل النشيـد
واغرورقت عينه وروحـه حالهـا يرثالهـا
عقب الوصال اللي بَنَتْه سنين والحلم السعيد
واول حروف اسمي تحطه رمز في سلسالها
ماعاد احصل من علاقتها سوا العذر الزهيـد
لين اخسرت وصلي لها من طيشها واهمالها
وامّا غلاها والله انه كـل يـومٍ فـي مزيـد
من وين مالديت عينـي يعتـرض خيالهـا
اهوَن علي اعيش في نار الفراق وهي بعيد
ولا عذابي كـل ليلـه وانتظـر مرسالهـا
مليت من طول الصبر..مليت من عذر البليـد
ومن الجروح اللي عرفت انواعها واشكالها
بحاول انسى مامضالـي واتسـلا بالقصيـد
لو كان قلبي راح من زود الغلا يبـرا لهـا
هي تريد...وانا اريد...والله يفعـل مايريـد
والادمي يفنـى ورغبـة خاطـره ماطالهـا
وسلامتكم..
والعبره اللي ماقويت اكتـم صـدى موالهـا
والضيقه اللي تنتقل مابين قلبـي والوريـد
والمزنه اللي فوق خـدي ماوقـف همالهـا
لو ان دمعي غالي ولو ان قلبي مـن حديـد
فالبارحه عزمي ضعف من طولها واهوالهـا
والجادل اللي من حلاها صارت الساده عبيـد
اللي يشيّب راس طـرّاد الهـوى ماطالهـا
بنت الشيوخ اهل الكرم والجود والمجد التليد
وام الدلع وام الـدلال اللـي خذتـه لحالهـا
اللي غلاها حطم ضلوعي وانا صبري شديد
واستاسرت روحي وروحي ماحدٍ قد نالهـا
حسبي عليها كل ماخط القلم حرف القصيـد
يكتب معاناة الخفوق اللـي نسـاه وصالهـا
وحسبي عليها كل ماغنّوا مواويـل النشيـد
واغرورقت عينه وروحـه حالهـا يرثالهـا
عقب الوصال اللي بَنَتْه سنين والحلم السعيد
واول حروف اسمي تحطه رمز في سلسالها
ماعاد احصل من علاقتها سوا العذر الزهيـد
لين اخسرت وصلي لها من طيشها واهمالها
وامّا غلاها والله انه كـل يـومٍ فـي مزيـد
من وين مالديت عينـي يعتـرض خيالهـا
اهوَن علي اعيش في نار الفراق وهي بعيد
ولا عذابي كـل ليلـه وانتظـر مرسالهـا
مليت من طول الصبر..مليت من عذر البليـد
ومن الجروح اللي عرفت انواعها واشكالها
بحاول انسى مامضالـي واتسـلا بالقصيـد
لو كان قلبي راح من زود الغلا يبـرا لهـا
هي تريد...وانا اريد...والله يفعـل مايريـد
والادمي يفنـى ورغبـة خاطـره ماطالهـا
وسلامتكم..